玛曲县关于从严从重从快严厉打击查处新冠肺炎疫情防控期间交通运输非法营运行为的通告(藏汉)
发布时间:2022-09-22 10:18:36来源: 点击:[]
玛曲县新型冠状病毒感染的肺炎疫情联防联控
领导小组办公室交通检疫组
2022年9月20日
༄༅།།རྨ་ཆུ་རྫོང་ཏོག་གསར་གློ་ཚད་རིམས་ནད་མཉམ་འགོག་མཉམ་འཛིན་མགོ་ཁྲིད་ཚན་ཆུང་གཞུང་སྒྲུབ་ཁང་འགྲིམ་འགྲུལ་རིམས་ནད་ཞིབ་བཤེར་ཚོགས་ཆུང་གིས་ཏོག་གསར་གློ་ཚད་སྔོན་འགོག་ཚོད་འཛིན་སྐབས་འགྲིམ་འགྲུལ་སྐྱེལ་འདྲེན་ཁྲིམས་འགལ་གྱིས་སྐྱེལ་འདྲེན་བྱེད་པའི་བྱ་སྤྱོད་ལ་རྡུང་རྡེག་ཚ་ནན་གཏོང་རྒྱུ་དང་ཞིབ་བཤེར་ཐག་གཅོད་ནན་མོ་བྱ་རྒྱུའི་སྐོར་གྱི་བརྡ་ཁྱབ།
མིག་སྔར།རང་རེའི་ཁུལ་གྱི་ཉེ་འཁོར་གྱི་གྲོང་ཁྱེར་དང་ཁུལ་ཁ་ཤས་སུ་ཏོག་དབྱིབས་ནད་དུག་གསར་པ་འགོས་པའི་གློ་ཚད་ཀྱི་རིམས་ནད་བྱུང་བ་དང་།ཞིང་ཆེན་དང་ཁུལ།རྫོང་གི་རིམས་ནད་གསར་བ་སྔོན་འགོག་ཚོད་འཛིན་གྱི་བཀོད་སྒྲིག་བླང་བྱ་ཁྱོན་ཡོངས་ནས་དོན་འཁྱོལ་བྱ་ཆེད།དོན་འཁྱོལ་ཞིབ་ཚགས་ཀྱིས་སྔོན་འགོག་ཚོད་འཛིན་བྱེད་པ།འགྲིམ་འགྲུལ་སྐྱེལ་འདྲེན་ཀྱི་ཚོང་ར་དང་སྤྱི་དམངས་ཀྱི་འགྲོ་སྐྱོད་ཁོར་ཡུག་ལ་སྲུང་སྐྱོང་ཏན་ཏིག་བྱས་ནས།ནད་དུག་མཆེད་པའི་ཐབས་ལམ་ནུས་ལྡན་ངང་གཅོད་པ་དང་རིམས་ནད་མཆེད་རྒྱུ་བཀག་འགོག་མཐའ་གཅིག་ཏུ་བྱས་ནས་མི་དམངས་མང་ཚོགས་ཀྱི་ཚེ་སྲོག་བདེ་འཇགས་དང་གཟུགས་གཞི་བདེ་ཐང་འགན་ལེན་ནུས་ཤུགས་གང་ཡོད་ཀྱིས་འགན་སྲུང་བྱ་དགོས་པས། རྫོང་འགྲིམ་འགྲུལ་སྐྱེལ་འདྲེན་ཅུས་དང་རྫོང་སྤྱི་བདེ་ཅུས་ཀྱིས་ད་ནས་བཟུང་མཉམ་འབྲེལ་སྒོ་ནས་རིམས་ནད་གསར་པ་སྔོན་འགོག་ཚོད་འཛིན་བྱེད་རིང་གི་འགྲིམ་འགྲུལ་སྐྱེལ་འདྲེན་ཁྲིམས་འགལ་ངང་སྐྱེལ་འདྲེན་བྱེད་པའི་བྱ་སྤྱོད་ལ་རྡུང་རྡེག་ཚ་ནན་གཏོང་རྒྱུ་དང་ཞིབ་བཤེར་ཐག་གཅོད་ནན་མོ་བྱ་རྒྱུའི་གཏན་འབེབས་བྱས་པ་རེད།ད་ལྟ་འབྲེལ་ཡོད་དོན་ཚན་བརྡ་ཁྱབ་བཏང་བ་གཤམ་གསལ་ལྟར།
གཅིག ཁུལ་ཏོག་གསར་གློ་ཚད་རིམས་ནད་མཉམ་འགོག་མཉམ་འགོག་འགོ་ཁྲིད་ཚོགས་ཆུང་གཞུང་ལས་ཁང་།ཞིང་ཆེན་དང་གྲོང་ཁྱེར་དབར་གྱི་འགྲུལ་སྐྱེལ་ལམ་ཐིག་གནས་སྐབས་མཚམས་འཇོག་བྱ་རྒྱུའི་སྐོར་གྱི་བླང་བྱ་ལྟར་རིམས་ནད་དང་འབྲེལ་བ་ཡོད་པའི་ས་ཁོངས་ཀྱི་འགྲུལ་སྐྱེལ་ལམ་ཐིག་སྒྲིག་འགལ་ངང་གཉེར་སྐྱོང་བྱེད་རིགས་ཞིབ་བཤེར་ཐག་གཅོད་ནན་མོ་བྱེད་རྒྱུ་རེད།
གཉིས། གླ་གཏོང་འགྲུལ་སྐྱེལ་ཁེ་ལས་ལ་ལྟ་སྐུལ་དོ་དམ་ནན་མོ་བྱས་ཏེ།གླ་གཏོང་འགྲུལ་སྐྱེལ་གཉེར་སྐྱོང་མཁན་ལ་རླངས་འཁོར་འགྲུལ་སྐྱེལ་ས་ཚུགས་དང་ཚོང་འདུས་ཁྲོམ་ར་སོགས་སུ་གོ་སྐབས་དང་བསྟུན་ནས་འགྲུལ་པ་བསྡུ་བ་དང་།ཁོངས་གཏོགས་ཁུལ་ལས་བརྒལ་ཏེ་ཁྲིམས་འགལ་སྒྲིག་འགལ་གྱི་སྐྱེལ་འདྲེན་གཉེར་སྐྱོང་གི་བྱེད་སྤྱོད་སྤེལ་གྱི་ཡོད་པ་ཞིབ་བཤེར་ཐག་གཅོད་ནན་མོ་བྱེད་པ།
གསུམ། འགྲོ་ལམ་སྐྱེལ་འདྲེན་གྱི་གཉེར་སྐྱོང་ཆོག་འཐུས་ཐོབ་མེད་པར་སྐོར་སྐྱོད་དང་།དྲ་ཐོག་གི་ཁ་ཆད།གཏན་འཁེལ་གྱི་སྐྱེལ་འདྲེན་སོགས་ཀྱི་བྱ་ཐབས་སྤྱད་དེ་དྲ་སྦྲེལ་ལས་སྟེགས“རླངས་འཁོར་སྒྲིག་པ”དང“རླངས་འཁོར་གླ་མཁན”ལ་བརྟེན་ནས་འགྲུལ་པ་སྒྲིག་འཛུགས་བྱས་ཏེ་ཁྲིམས་འགལ་ངང་གཞུང་ལམ་འགྲུལ་སྐྱེལ་སོགས་སྐྱེལ་འདྲེན་བྱེད་པའི་བྱེད་སྤྱོད་ལ་རྡུང་རྡེག་ནན་པོ་གཏོང་དགོས།
བཞི། ཁྲིམས་འགལ་གྱི་ལས་གཉེར་བྱེད་མཁན་ལ་ཐ་ཚིག་ནན་མོ་བསྒྲགས་ནས་ཁྲིམས་འགལ་གྱི་ལས་གཉེར་བྱ་སྤྱོད་འཕྲལ་མར་མཚམས་འཇོག་ཏུ་འཇུག་པ་དང་།རང་དགར་ཀྱིས་སྒྲིག་འགལ་ངང་གཞུང་ལམ་འགྲུལ་སྐྱེལ་གཉེར་སྐྱོང་དང་ཁྲིམས་འགལ་གྱིས་སྐྱེལ་འདྲེན་བྱེད་པའི་བྱེད་སྒོ་སྤེལ་བ། རིམས་ནད་སྔོན་འགོག་ཚོད་འཛིན་ལས་དོན་དང་སྤྱི་ཚོགས་དོ་དམ་གྱི་སྒྲིག་ལམ་ཟང་ཟིང་བཟོས་པར་འགྲིམ་འགྲུལ་སྐྱེལ་འདྲེན་སྡེ་ཚན་གྱིས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགྲོ་ལམ་སྐྱེལ་འདྲེན་སྲོལ་ཡིག》དང་།《ཀན་སུའུ་ཞིང་ཆེན་གྱི་གཞུང་ལམ་སྐྱེལ་འདྲེན་སྲོལ་ཡིག》འགྲིམ་འགྲུལ་སྐྱེལ་འདྲེན་པུའུ《སྐོར་སྐྱོད་གླ་གཏོང་རླངས་འཁོར་གཉེར་སྐྱོང་ཞབས་ཞུའི་དོ་དམ་གཏན་འབེབས》《དྲ་རྒྱའི་ཐོག་ནས་གླ་གཏོང་རླངས་འཁོར་གྱི་གཉེར་སྐྱོང་ཞབས་ཞུ་དོ་དམ་གྱི་གནས་སྐབས་ལག་བསྟར་བྱ་ཐབས》སོགས་བཅའ་ཁྲིམས་དང་ཁྲིམས་སྲོལ་གཞིར་བཟུང་ནས་ཉེས་ཆད་ལྗིད་མོ་དང་མྱུར་མོར་ཐག་གཅོད་བྱ་རྒྱུ་ཡིན།
ལྔ། དྲ་སྦྲེལ་ལས་སྟེགས་དང་སྐད་འཕྲིན།QQརླངས་འཁོར་གྱི་ཚོགས་གཙོ་བཅས་ལ་བརྟེན་ནས་ཁྲིམས་འགལ་གྱི་རླངས་འཁོར་སྒྲིག་པའི་ཚོགས་པ་ཚང་མ་མེད་པ་བཟོས་ཏེ། རླངས་འཁོར་སྒྲིག་པའི་ཆ་འཕྲིན་སྤེལ་མཚམས་འཇོག་དགོས་པའི་སྐུལ་ལྕག་ནན་མོ་གཏོང་བ། བརྡ་ཁྱབ་བཏང་རྗེས་སྔར་བཞིན་རང་སྣང་གང་ཤར་བྱེད་པ་དང་།གང་འདོད་དུ་ཉེས་དོན་བཟོ་བ།ཁྲིམས་འགལ་ངང་མུ་མཐུད་དུ་སྐྱེལ་འདྲེན་བྱེད་པ།འགྲུལ་སྐྱེལ་ཁྲོམ་རའི་སྒྲིག་ལམ་དཀྲུག་པ།རིམས་ནད་མཆེད་ཚབས་ཆེ་རུ་གཏོང་བ་སོགས་ཀྱི་མཇུག་འབྲས་ཚབས་ཆེན་བཟོ་མཁན་ལ་ཁྲིམས་ལྟར་རྡུང་རྡེག་གཏོང་བ་དང་ཉེས་ཚབས་ཆེ་རིགས་ལ་ཁྲིམས་ལྟར་ཉེས་དོན་འགན་འཁྲི་བདའ་འདེད་གཏོང་རྒྱུ་རེད།
དྲུག རིམས་ནད་སྔོན་འགོག་ཚོད་འཛིན་བྱེད་ཐབས་ལག་བསྟར་བྱེད་རིམ་ཁྲོད་ཁྲིམས་འཛིན་གཞུང་དོན་ལ་འགོག་རྐྱེན་བཟོ་བ་དང་བཀག་འགོག་བྱེད་པ།ཁྲིམས་འགལ་ངང་ཁྲོམ་སྐོར་བྱེད་པ།དངུལ་བསྡུ་རུབ་བྱེད་པ།ངན་སྐུལ་བྱེད་པ།སྒྲིག་འཛུགས་བྱེད་པ།འདུ་འཛོམ་བྱས་ནས་ཟིང་ཆ་སློང་བ།མི་མང་མཉམ་རུབ་ཀྱིས་ཟིང་ཆ་སློང་བ།གཏུམ་སྤྱོད་ཀྱིས་འགོག་རྒོལ་བྱེད་པ། འགྲིམ་འགྲུལ་བཀག་འགོག་བྱེད་པ།འབྲེལ་ཡོད་སྡེ་ཁག་སྐོར་བ་སོགས་རྒྱུན་ལྡན་གྱི་རིམས་ནད་བྱུང་ཚུལ་སྔོན་འགོག་ཚོད་འཛིན་བྱེད་པའི་ལས་དོན་དང་འགྲིམ་འགྲུལ་སྐྱེལ་འདྲེན་གྱི་སྒྲིག་ལམ་དཀྲུག་པ།ཁྲིམས་འགལ་གྱི་སྐྱེལ་འདྲེན་རླངས་འཁོར་ནང་འགྲུལ་པ་འཇོག་པའི་གནས་ཚུལ་མཆེད་རིགས་ལ་སྤྱི་བདེ་སྡེ་ཁག་གིས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་དོ་དམ་གྱི་ཆད་གཅོད་བཅའ་ཁྲིམས》དང་།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགོ་ནད་འགོག་བཅོས་བཅའ་ཁྲིམས》སོགས་བཅའ་ཁྲིམས་དང་ཁྲིམས་སྲོལ་གཞིར་བཟུང་ནས་ཐག་གཅོད་ནན་མོ་བཏང་ནས། གནས་ཚུལ་ཚབས་ཆེན་རིགས་ལ་ཁྲིམས་ལྟར་ཉེས་དོན་འགན་འཁྲི་རྩད་གཅོད་བྱ་རྒྱུ་ཡིན།
བདུན། རྒྱ་ཆེའི་འགྲོ་སྐྱོད་བྱེད་མཁན་ཚོས་ཁྲིམས་འགལ་ངང་སྐྱེལ་འདྲེན་བྱེད་པའི་རླངས་འཁོར་གྱིས་སྤྱི་ཚོགས་ཀྱི་གནོད་འཚེའི་རང་བཞིན་ལ་ངོས་འཛིན་གང་ལེགས་བྱས་ཏེ་རང་ཉིད་སྲུང་སྐྱོབ་ཀྱི་འདུ་ཤེས་ཟབ་ཏུ་གཏོང་བ།འགྲིམ་འགྲུལ་དང་སྤྱི་བདེ་སྡེ་ཚན་གྱི་ཁྲིམས་འཛིན་ཞིབ་བཤེར་ལ་གཞོགས་འདེགས་ཧུར་ཐག་བྱེད་པ།སྤྱི་དམངས་ལ་ལག་ཁྱེར་ཡོད་པའི་འོས་འགན་ཇི་མ་ཇི་བཞིན་སྒྲུབ་པ།ཁྲིམས་འགལ་ངང་སྐྱེལ་འདྲེན་བྱེད་པའི་འཁོར་རིགས་ལ་སྡོད་རྒྱུ་བཀག་འགོག་བྱེད་པ།རིམས་ནད་ནང་འདྲེན་དང་ཕྱིར་གཏོང་མཆེད་རྒྱུ་བཀག་འགོག་ནན་མོ་བཅས་བྱེད་དགོས།
བརྒྱད། རྒྱ་ཆེའི་མང་ཚོགས་ཀྱིས་ཕྱིར་བསྐྱོད་ཀྱི་བྱེད་སྒོ་ཉུང་དུ་གཏོང་གང་ཐུབ་དང་།ངེས་པར་དུ་དགོས་པ་མེད་པར་འགྲོ་སྐྱོད་མི་བྱེད་པའི་བླང་བྱ་དོན་འཁྱོལ་མཐའ་གཅིག་ཏུ་བྱེད་པ།རང་འགུལ་ངང་ཁ་ཐུམ་བརྒྱབ་ནས་གློག་སྒུལ་འཁོར་རིགས་དང་གླ་གཏོང་རླངས་འཁོར་སོགས་དུག་སེལ་བྱས་ཡོད་པའི་ཁྲིམས་མཐུན་ངང་སྐྱེལ་འདྲེན་བྱེད་པའི་རླངས་འཁོར་ལ་སྡོད་པ།འབྲེལ་ཡོད་སྡེ་ཚན་ལ་གཞོགས་འདེགས་ཀྱིས་རིམས་ནད་སྔོན་འགོག་ཚོད་འཛིན་གྱི་ལས་དོན་ཧུར་ཐག་གིས་སྒྲུབ་ནས་ཐུན་མོང་གི་རིམས་ནད་སྔོན་འགོག་ཚོད་འཛིན་གྱི་བདེ་འཇགས་སྲུང་རོགས་བརྟན་དུ་གཏོང་དགོས་པའི་འབོད་སྐུལ་གཏོང་གི་ཡོད།
ཡར་གཏུག་བྱེད་སའི་ཁ་པར་ཨང་གྲངས་ནི།རྫོང་འགྲིམ་འགྲུལ་སྐྱེལ་འདྲེན་ཕྱོགས་བསྡུས་སྲིད་འཛིན་ཁྲིམས་བསྟར་རུ་ཁག 0941-6121004
རྫོང་སྤྱི་བདེ་ཅུས་འགྲིམ་འགྲུལ་ཉེན་རྟོག་ཡན་ལག་རུ་ཁག 0941-6127468
རྨ་ཆུ་རྫོང་ཏོག་གསར་གློ་ཚད་རིམས་ནད་མཉམ་འགོག་མཉམ་འཛིན་མགོ་ཁྲིད་ཚན་ཆུང་གཞུང་སྒྲུབ་ཁང་འགྲིམ་འགྲུལ་རིམས་ནད་ཞིབ་བཤེར་ཚོགས་ཆུང་གིས།
2022ལོའི་ཟླ9ཚེས20ཉིན།